A Vogalía S.A.L. (Saneamento Abastecemento e Limpeza) é a encargada de velar polo cumprimento e correcto funcionamento destes servizos, prestados polo Concello e empresas concesionarias, en favor da veciñanza.

Os servizos de Saneamento, Abastecemento e Limpeza resultan servizos básicos aos que toda a cidadanía temos dereito e polos que estamos a pagar. Non obstante, non sempre estamos a recibir un servizo de calidade e acorde coas nosas expectativas como consumidores.

A proliferación de empresas concesionarias, que moitas veces non cumpren cos contratos de concesión e un laxo control por parte da administración local, fan que sexan constantes os abusos ao común da veciñanza por iso esta vogalía centra os seus esforzos en denunciar, tanto públicamente como perante as administracións aqueles incumprimentos así como tamén aglutina ao conxunto da veciñanza para traballar en propostas e solucións comúns ás problemáticas dentro desta área.

Obxectivos

• Resolver os problemas relativos ao saneamento e abastecemento (falla de presión, roturas nas canles, carencia de servizo…).
• Rematar a rede de saneamento de tal forma que se poda dar cobertura a todo o municipio.
• Crear unha rede de colectores separativos para augas pluviais e fecais.
• Recuperar as augas pluviais, regatos e cauces naturales para regadíos, para manter o ecosistema e evitar desertización e inundacións.
• Facer cumprir a normativa e protocolos en materia de limpeza.
• Velar pola calidade e maior control dos servizos.

Responsable da vogalía

• Enrique Rodríguez Bastos