O servicio público de transporte, na actualidade non alcanza a dar solución ás nececesidades da cidadanía de Vigo, á súa área Metropolitana nin á comarca. É por isto que unha maioría, precisa facer uso cotiá do seu vehículo particular.

Así, provócanse o colapso das rúas, aparcamentos en doble fila, e ocasionánse graves problemas de contaminación acústica e atmosférica. Tamén as empresas de transporte público míranse presas daquelas trabas, que encarecen os eus costes, dificultan os seus servicios, e limitan a utilidade para os cidadáns.

A vogalía de transporte pretende ser un nexo de unión entre a cidadanía, empresas e administración, un foro de debate, de ideas e aportacións para desnelar esta carioca e achegar solucións que permitan mellorar a calidade de vida da veciñanza e potenciar a mobilidade sostible. Por isto a vogalía traballa nos tres niveis en que se desenvolve o transporte da cidade: urbán, metropolitano e interurbano.

Obxectivos

• Potenciar o uso do transporte público na cidade para o que defendemos un transporte público de calidade en cobertura, frecuencias, accesibilidade, comodidade, estrutura e información.
• Controlar as condicións das concesión, supervisar e denunciar os incumprimentos dos pregos de condicións.
• Coordinar ao movemento veciñal para analizar as problemáticas de transporte nos diferentes barrios e parroquias da cidade e achegar solucións e propostas conxuntas.
• Crear unha rede de transporte metropolitano para Vigo e a súa área que permita abaratar custes e mellorar o servizo.
• Pontenciar o transporte público interurbano como alternativa real ao uso do vehículo particular.
• Esixir un correcto mantemento e sinalización dos viais, como garante da seguridade dos usuarios.
• Defender aos usuarios presionando para que os aparcadoiros apliquen tarifas por minuto sen incremento de prezos.

Responsable da vogalía

• Luís Martínez Portela

Actuacións

• Transporte Metropolitano
• Transporte Urbano
• Transporte Interurbano