Enquisa
Lista distribución
Novas Servizos Sociais Conmemoración do Día Internacional da Muller Conmemoración do Día Internacional da Muller
Dende o compromiso histórico da FAVEC coa reivindicación dos dereitos da muller, a nosa entidade está colaborando e participando en todos os actos conmemorativos que se organizan con motivo da celebración do 8 de marzo, Día Internacional da Muller, dende o Consello Social da Muller.
Para completar a celebración de todos estes actos, a Vogalía de Igualdade da FAVEC organiza unha obra de teatro na asociación veciñal "Monte da Mina" de Castrelos, O enfermo imaxinario, de Moliere. Será o xoves 12 de marzo ás 19.30 horas.
Luns, 8 de marzo, pleno municipal con motivo do Día Internacional da Muller: co gallo do 8 de Marzo, celébrase no salón de plenos do Concello de Vigo unha sesión plenaria específica na que participarán as integrantes do Consello Municipal da Muller. A FAVEC forma parte dende a súa creación deste consello municipal e estivo presente neste pleno.
Luns, 8 de marzo: manifestación do Día Internacional da Muller. Esta manifestación partirá ás 20.00 da praza de Portugal ata a Porta do Sol. A FAVEC fai un chamamento á asistencia da cidadanía a esta importante e necesaria manifestación pola reivindicación dos dereitos da muller.